ياللي زعلت ابوك وامك عشان ايه ده كله

تيم / محمود القائد

كلمات / محمد الشاعر

ياللي زعلت ابوك وامك عشان ايه ده كله

ياما استحملوا عشانك كتير ولا في يوم ملوا

الولاد اللي احترامها لأبهاتها عنه اتخلوا

ولإهانة الام لا في يوم سابوه ولا حلّوا

ماتجيش دايما علي ابوك

وتعمل اسلوب تيجي بيه وتشلّوا

اوعي في يوم لصاحبك في قلبك تشلوا

اللي صاحبك حقيقي دايما تتحملّه

ولعيب كان فيه تيجي بينك وبينه تتذكرله

مش قدام الناس في غلطه تيجي وتعدلّه

وطريقه حلوه عن اسلوبه تعبرله

يا أخي ده من غير اي حاجه باله يوماتي تريح له

اخويا خلاص مش هكون في الحرج اسببله

ومن اخلاقه هذكره واعظم له

يجي صاحبك الفاسد اللي من معاملتك ليه بيضمر له

وسايب كل حاجه حلوه فيه وللوحش بيفكر له

ولسوء الظن عني يوماتي يصورله

وكان كل يوم في الخير ايدي بتتمدله

اسألوه مين في ضيقته كان بيميله

يوم للفاسد قلت كفايه ووقفت له

فاكر يوم ما اتشاكلت مين اللي لخصمك اتصدله

ومين اللي مكانك في المشاكل دايما تتعمله

تيجي ياللي كنت فاكرك صاحبي

لأخويا بصوره وحشه عني تخيله

خلاص انا الوقت نسيتك

وارجع واقول عشان ايه ده كله

ياللي في اكل المال بتخطط له

لا فيوم راعيت حديث نبينا ولا كنت بتحسبله

ده آكل المال بيفتكر ماله اتحلله

بس اوعى تفتكروا ان ربنا في الحق هيسيب له

ده مخليه ماشي في طريقه والملايكه بتعدله

ارجع واقول عشان ايه ده كله

ياللي تدخل في عرض البنات ولصاحبك تبين له

ولصاحب السوء لأعراضهم دايما توضح له

اوعي تفتكروا يابنات ربنا سايبه

لا ده الملايكه قاعده بتكتب له

وفي الدنيا ربنا في امه واخواته هيردله

ارجع واقول عشان ايه ده كله

اخويا اللي دايما بالحب والطيبه افتكر له

عشان اللي بيني وبينه عمر ما حد هيوصله

وإذا جه في يوم نسي آجي انا وكمله

ولو في يوم اساء لي

عشانه دايما استحمل له

وكالعاده ارجع واقول عشان ايه ده كله

نصيحه مني ليك قبل ما لربك ترحلّه

مهما الدنيا جت عليك
خليك جمب ابوك وامك واخوك

ولا في يوم تيجوا وتجلوا

وكمان جمب صاحبك الحقيقي مهما في يوم حصلّه