وطول عمــــــــــرى…. غريب الأهل والخــــــــــلان

وطول عمــــــــــرى…. غريب
الأهل والخــــــــــلان
أدارى الهم …….جوايــا
ولا يمكن دموعى تبــــــان
اقوٍى نفسى ع ……الغربة
واذيد ف البعد والترحـــــال
واطوى صفحة…. القربة
واقصًر حبلها لو طـــــــــال
وإيه لازمة قريب …..مغصوب
تقرب منه ما يقــرب
ولمًا يغيب عليك ….تسأل
تروحله البيت فيتهــــــرب
يغور الود لو …مغشـــــوش
ومبنى بس ع العـــــوزة
وتحت الوش ياما ….وشوش
وإيد ف المحنة مهزوزة
زمان القرش …..قسانا
وخلانا نعيش أغـــــــــراب
وخلًى الابن ينسى ….أبوه
ولو زاره يرد البــــــــــاب
يصد أمه يقاطع ….اخوه
خلاص الدم صار ميـــــــة
وبات الحب توب …..مهدول
وعملة قديمة منسيـــــة
قريب الكل لو ……….وياك
وكل الخلق تشتاقـــــــــــــلك
ويا ويلك لو أنت…..فقير
تعيش منبوذ ما بين أهــــــلك
أكيد البعض……. هيلومنى
وان الحكم كان قاســــــــــى
لكن والله مش ……..بايدى
انا ترجمت إحساســـــــــــى
حروف محتاجة …….تتنقط
رسالة لابد…………….نوعاها
مجرد حالة……………عايشينها
وحرفي حب ………….يقراها