الثقة بالنفس من كتاب مملكة الإتيكيت سلسة( بالصح حياتنا أصح)

الثقه بالنفس صفة ناس كتير جدًا بتتمنى لو تمتلكها في حياتها.. الثقة بالنفس بتيجي لما بترضا رضا تام عن تصرفاتك وأفعالك وسلوكك شكلك جسمك وتكون مؤمن بقدراتك ومواهبك وإنك قادر تنجح تحت أي ظروف.. علشان كدة لازم تزود ثقتك في نفسك:١- التفاؤل بالخير وتحفيز نفسك إنك تقدر تعمل كل حاجة بتوفيق من الله.٢ -اتعلم من خبرات غيرك وازاي قدروا ينجحوا ويتجاوزوا الصعوبات.٣- واجه خوفك وأتحدى نفسك وأعمل اللي بتخاف تعمله ويكون صح.٤- ساعد غيرك لأنها بتعزز شعور جواك بالأمتنان………………………الثقة بالنفس محتاجة لمجهود كبير وإنك تشتغل على نفسك كتير، مفيش حاجة بتيجي بسهولة وطول ما أنت بتعافر علشان توصل لحاجة هتقدر توصلها بالثقة فى الله أولا ثم السلوك الجيد والعمل الجاد .جزء كبير من شخصيتك بيتكون من أخطائك اللي بتقع فيها طول رحلة حياتك.. فمتزعلش لما تغلط أو تقع في مشكلة أو تتصدم في حد لأن الصعوبات والأخطاء هي اللي هتعلمك هي اللي هتخلي شخصيتك أفضل وهتحس بالتغيير لما تقع في نفس الموقف ولكنك قادر تتصرف فيها بحكمة عود نفسك إنك تشكر كل شخص كان صاحب فضل أو معروف عليك.. الشخص ده بيكون سبب من الأسباب ربنا حطه في طريقك علشان يعوضك عن ناس سابوك ويوصلك للحاجة اللي بتتمناها.. فواجبك معاه وحقه عليك إنك تشكره وتقدر معروفه ليك أحيانًا بعد التعرض الكتير للخذلان والمواقف المؤذية بتحس كأنك أنكسرت من جواك.. إنك مبقتش الشخص إللى كان واثق من نفسه.. كل حاجة قدامك مبقاش ليها طعم وفرحة كل حاجة انطفت.. الإحساس ده طبيعي أكيد لكن ماتسبش نفسك ليه.. خليك واثق إن اللي حصلك ده كان لسبب أيًا كان إيه هو بس بعدها اتعلمت وأتغيرت أرجع تاني مبهج جرب وشوف وأتعلم بس ماتقعش في نفس الغلط مرة تانية.أجمل ما في العشرة هو الإهتمام.. إنك تهتم باللي قدامك وتحسسه بثقة فى نفسه أهتم بالناس إللى بتحبهم وعزز ثقتهم فى نفسهم وكن انت أول الداعمين لهم وفي المقابل إنك هتلاقي إهتمام منهم لما تنجح لما تفشل لما تنكسر لما تفوز لما تتعب احنا مش عايشين لوحدنا فى الحياة لازم نشارك بعض لازم نحس ببعض .. الإهتمام مش شرط يكون بين الأزواج بل بالعكس ده بينك وبين أخواتك وصحابك وعيلتك وأولادك.. وقوفهم جنبك فى فرحك ؛ حزنهم عليك خوفهم على مشاعرك ده إهتمام، جبرهم لخاطرك في زعلك ده إهتمام،فرحهم لنجاحك ده أهتمام أطمئنانهم عليك وقت تعبك ده إهتمام، وطول ما هم بيزرعوا إهتمام وحب وسكينة ومشاعر جميلة كل لما هيزيد حبهم فى قلبك.. متحرمش نفسك من رفع معنويات حد وتوصله لدرجة الثقة بنفسة.. لأن هيجى اليوم إللى انت هتحتاج فيه ده ولو ملقتهوش متلومش حد قبل ما تلوم نفسك . أختار صح الناس اللي حواليكي الناس إللى بتدعمك وتذود ثقتك بنفسك ويفضلوا معاك على الحلوة والمرة. في حاجات كانت هتبقى حلوة اوي لو كانت جت وقت ما احنا كنا عايزين أوعي تطلب من حد انه يهتم بيك أوعي تستني حد يسأل عليك علشان هيصعب عليك نفسك لما هتشوف عملت عشانهم ايه وعملوا فيك ايه.أشكركم لحسن متابعتكم والى اللقاء فى مقال آخر منكتاب مملكة الإتيكيت سلسة (بالصح حياتنا أصح )