البطل عبد العزيز هشام استطاع تحقيق العديد من البطولات مؤخرا حقق الرقم التأهيلي لبطولة العالم البارالمبية بباريس 2023
حوار هاجر عبدالعليم
البطل عبد العزيز هاشم عبد النبي خاطر يبلغ من العمر ٢٩ عاما ابن محافظة الإسكندرية تخرج من بكالوريوس تجارة دفعة 2019 جامعةالإسكندرية هو نموذج مشرف لكل شاب وفتاة بالاصرار والعزيمة تستطيع تحقيق المعجزات والبطولات
يلعب في النادي اسكندرية للبترول /الاتحاد السكندرى وهو بطل في ألعاب قوي الفئة الطبيةT46،حصل علي العديد من الجوائز التكريمات
منها 1-بطولة الجمهورية للجامعات سنة 2015 مركز اول 100متر ومركز اول وثب طويل للفئة الطبيةT46 وبطولة الجمهورية للجامعات الشهيد رفاعي المركز الأول في سباق 100متر و200متر في الفئة الطبية t46 لسنة 2017 وأيضا بطولة الجمهورية وبطولة الكأس للاندية البارالمبية المركز الأول في سباق 100متر و ال200متر في الفئة الطبية t46 لسنة 2018
وحصل علي المركز الأول في بطولة الجمهورية للجامعات الشهيد رفاعي في سباق 100متر و200متر في الفئة الطبية t46. لسنة 2018
و بطولة الجمهورية والكأس للاندية البارالمبية المركز الأول في سباق ال100متر وال 200متر للفئة الطبية t46 لسنة 2019 وبطولة الجمهورية للجامعات الشهيد رفاعي المركز الأول في سباق 100متر و200متر في الفئة الطبية t46 لسنة 2019 وبطولة الجمهورية للجامعات الشهيد رفاعي المركز الأول في سباق ال200متر في الفئة الطبية t46 وعدم المشاركة في سباق ال100متر لسنة 2020 وبطولة الجمهورية والكأس للاندية البارالمبية في سباق 100متر و200متر في الفئة الطبية t46 لسنة 2021و بطولة الجمهورية والكأس للاندية البارالمبية في سباق 100متر و200متر في الفئة الطبيةT46 لسنة 2022 وذهببة بطولة مراكش الدولية وتحقيق رقم قياس وطني جديد في سباق 200متر والمركز الرابع في سباق ال100متر وتحقيق الزمن المؤهل لبطولة العالم باريس 2023
متي بدأت ممارسة الرياضة ؟
بدأت ممارسة الرياضة في سن ال8 كنت لاعب كرة قدم ثم التحقت بنادى الترام في سن ال11 كنت لاعب في سني والفئة العمرية الأكبر بسنة والفئة الأكبر بسنتين وفريق الأمل بالنادى ثم تم تصعيدي للفريق الأول في سن 16 سنة ثم التحقت الي نادى الإسكندرية للبترول ثم التحقت الي نادى فاركو ثم الي نادى الحرية بمطروح ثم فترة توقف عن ممارسة الرياضة لمدة سنتين ثم تم اكتشافي من قبل مدرب منتخب جامعة الإسكندرية واتجهت الي العاب القوى في سن ال 23 والتحقت بنادى المستقبل ثم نادي اسكندرية للبترول ف العاب القوى البارالمبية ومن بعدها تم الالتحاق بنادى الاتحاد الإسكندرية لألعاب القوى اسوياء
ماهي اهم المشاركات الدولية ؟
وأهم المشاركات هي اولي المشاركات الدولية ليا وهي بطولة مراكش ولله الحمد والشكر حصلت علي ذهبية ال 200متر وتحقيق رقم قياسي وطني جديد ورقم جديد للبطولة ف الفئة الطبية t46 والمركز الرابع في سباق ال100متر وتحقيق الرقم التأهيلي لبطولة العالم البارالمبية بباريس 2023
ماهي أهم الصعوبات التى واجهتها؟
الصعوبات كتير والله ولكن الحمد لله الواحد عرف يعدي منها بفضل الله ثم اهله ثم مدربه يعني وكانت أصعب حاجة عندي هي اصابتي كانت في سنة 2018 قعدت سنة كاملة بتعالج جالي حاجة في مفصل امشط القدم اسمها Kohler’s disease داء كوهلر طبعا كانت صدمة ليا بس الحمد لله عدت بفصل الله ورجعت سنة 2019 وكانت حاجة كويسة جدا ولله الحمد والشكر اول مشاركة بعد الإصابة مركز اول في سباق ال100متر وال 200متر
كيف تجاوزت الصعاب؟
الصعوبات هذه مش حاجة طالما الواحد أمامه حاجة وهدف نفسه يوصله هيعمل المستحيل طبعا بعد فضل ربنا سبحانه وتعالي وكرمه عليا ووقفة اهلي جنبي لم يتركوني لحظة وقت الإصابة الحمد لله عدت علي خير
بم تنصح الشباب؟
نصيحتي لكل الشباب اول حاجة انه يقرب من ربنا والصلاة هي اول حاجة والله من غيرها مش هتعرف تعيش مش شرط ربنا سبحانه وتعالي يحققلك كل حاجة دلوقتي اتمسك بحلمك وهدفك وعافر وخليك عنيد وسيب الباقي علي ربنا اعمل الذي عليك قدام ربنا وقدام نفسك تكون راضي عن نفسك
لمن توجه الشكر ومين دعمك ومثلك الأعلي؟
بوجه الشكر في المقام الأول لربنا سبحانه وتعالي وبعد كدا بشكر ابويا وامي والله العظيم انا من غيرهم كنتش هعرف اوصل لكل ده اخواتي انا من غير دعمهم ليا مكنتش هوصل خالص لأى حاجة والله وطبعا كل الشكر ل صاحب الفضل عليا بعد ربنا سبحانه وتعالي كابتن محمد عباس علي تعبه ومجهوده معايا بجد من غيره مكانش هيحصل كل ده وبشكر اللجنة البارالمبية علي اهتمامهم بيتا اخر فترة وان شاء الله نكون عند حسن ظنهم في الفترة القادمة
