إتولدت أصرخ بحبك ………. جوه بطنك فيه أمان ليه يامامانزلت منك ؟

إتولدت أصرخ بحبك
………. جوه بطنك فيه أمان
ليه يامامانزلت منك ؟
……… …..حوطينى بالحنان
كنت ساكن جوه قلبك
………. كنت لى أدفى مكان
كل نبضة أسمعها إنك
………. تدعي ربى فى الأدان
إنى ما ابعد لحظة عنك
……..و انت منحه من الزمان
واما اخاف أجري لحضنك
……..و ألقى ف عنيك الامان
فرحتك من فرحة ابنك
……….. والألم ف العين يبان
أصل دمي هوه دمك
……..عرق موصول من زمان
مش هيكرم بعد منك
……….. إللي عاب فيك وهان
والرسول وصى ف حقك
…….. قال ذليل ويعيش مهان
اللى شكك يوم في حبك
… وارتمى ف حضن الشيطان
واللي ترضى الأم عنه
. ……….مسكنه أعلى الجنان
ربنا يطول في عمرك
…………..يا امه يانبع الحنان